Ayollarning nohaq hukmga qarshi norozilik bildirishga ham haqlari bor. Mo’minlar amiri Umar r.a. mahrni cheklamoqchi bo’lganida, bir ayol e’tiroz qilib: «Alloh cheklamagan narsani sen cheklaysanmi?», – dedi. Umar r.a. o’ylab turib: «Bu ayol haq, Umar esa nohaqdir», – degan.
Islomda davlat rahbarini saylash, unga itoatni e’lon qilish bay’at deyiladi. Bu eng muhim siyosiy haq ekani hammaga ma’lum. Qur’oni Karimda erkaklar bilan bir qatorda ayollarga ham bay’at qilish huquqi berilgan.
“Xotin-qizlarni kamsitishning barcha shakllariga barham berish to‘g‘risida”gi Konvensiyada ishtirokchi davlatlar mamlakatning siyosiy va jamoat hayotida xotin-qizlar kamsitilishiga barham berish yuzasidan barcha tegishli choralarni ko‘radilar, jumladan, ayollarga erkaklar bilan teng shart-sharoitlar asosida quyidagi huquqlarni ta’minlaydilar:
a) barcha saylovlar va ommaviy referendumlarda ovoz berish va ommaviy saylanadigan organlarga saylanish;
b) davlat siyosatini shakllantirish va amalga oshirishda qatnashish hamda davlat lavozimlarini egallash, shuningdek, davlat boshqaruvining barcha bo‘g‘inlarida davlat vazifalarini amalga oshirish;
v) mamlakatning ijtimoiy va siyosiy hayot muammolari bilan shug‘ullanadigan hukumatga qarashli bo‘lmagan tashkilotlar va uyushmalarning faoliyatida qatnashish.
Ishtirokchi davlatlar xotin-qizlarning erkaklar bilan tenglik asosida va hech qanday kamsitishsiz xalqaro miqyosda o‘z hukumatlari nomidan vakillik qilish va xalqaro tashkilotlar ishida qatnashish imkoniyatlarini ta’minlash maqsadida barcha tegishli choralarni ko‘radilar.
O‘zbekiston Respublikasi Oila va xotin-qizlar davlat qo‘mitasi huzuridagi «Oila va xotin-qizlar» ilmiy-tadqiqot instituti
Portalda eʼlon qilingan materiallardan nusxa koʻchirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.