Homiladorlikning o’ttiz yettinchisi haftasi

Boladagi o’zgarishlar

Homila nafas olish harakatlarini bajarmoqda. Nafas olganida o’pkasiga suyuqlik kirsa ham, nafas chiqarganida qaytib chiqib ketadi.  Homilaning o’rtacha uzunligi 48-50 sm va og’irligi 2800-3000 gr.  Tanasidagi mayin tukchalar bir muncha kamaydi. Burun va quloqdagi tog’aylar mustahkamlandi.

Onadagi o’zgarishlar

Bu davrda to’g’ri kechayotgan homiladorlikda aksari shifokorlar suv to’ldirilgan vannada yuvinishga ruxsat berishadi, dushda esa so’nggi daqiqalaringizdagina cho’milishingiz mumkin. Lekin juda ehtiyotkor bo’ling. Bachadon bo’yinchasidagi tiqin bachadonga suv va boshqa mikroorganizmlar tushmasligiga qarshilik qilsa ham, ozgina ehtiyotkorsizligingiz sababli xavf tug’ilishi mumkin.

Bunday holat ro’y bermasligi uchun quyidagilarga rioya qiling:

• sirpanib ketmaslik uchun shoshilmasdan yuvining;
• vannaga sirpanishga qarshilik qiladigan rezina gilamcha soling;
• vannaga tushayotganingizda va chiqayotganingizda ehtiyot bo’ling.

Homiladorlikning 32-haftasidan so’ng shifokor qabuliga tez-tez boring. Sizning va tug’ilajak bolangizning sogligini tekshirish maqsadida shifokoringiz quyidagi tekshiruvlarni o’tkazadi:

• tana vazni va qon bosimi o’lchanadi;
• peshobdagi qand va oqsil miqdori aniqlanadi;
• homilaning yurak urishi tekshiriladi;
• homilaning kattaligi va joylashishi ko’riladi;
• qo’l va oyoqlaridagi shish hamda tomirlar kengayishi aniqlanadi;
• sizni bezovta qilayotgan savollarga javob olasiz.