Исломда аёлнинг ҳуқуқлари

Аёлнинг ҳуқуқлари Исломда 5 қисмдир:

Диний ҳуқуқ;

Иқтисодий ҳуқуқ;

Ижтимоий ҳуқуқ;

Таълим олишга ҳуқуқ;

Сиёсий ҳуқуқ.

Савол: Диний ҳуқуқ нимадан иборат?

Жавоб: Жаннат эркак ва аёл учун бирдай яратилган: «Хоҳ эркак, хоҳ аёл бўлсин – кимда-ким мўмин бўлган ҳолида яхши амаллардан қилса, ана ўша кишилар жаннатга кирурлар ва уларга қилчалик зулм қилинмас» (Нисо, 124).

Бошқа динларда эса жаннат фақат эркаклар учун, деган ақидага асосланади. Шунингдек, «аёлнинг руҳи йўқ», деган эътиқод яқин замонларгача мавжуд бўлиб келган.

Савол: Аёлнинг исломда ўрни бошқа динлардагидан нимаси билан фарқ қилади? Жавоб: Аллоҳ таоло инсон ўзининг халифаси эканини хабар берган. Ислом эркак ва аёл – иккисини ҳам эъзозлаган.

Инжилда жаннатдан чиқиш ва Аллохни ғазаблантиришнинг сабаби аёл деб курсатилган. Хатто ғарбда ўрта асрларда “аёл шайтондир”, деган фикр мавжуд бўлган. Исломда эса жаннатдан чиқишга сабаб шайтон экани таъкидланган: «Бас, уларни оздириб, масканларида чиқарди” (Бақара, 36). Насроний динида хомиладор булиш ва туғиш оғриқлари аёлга жазо сифатида берилган, дейилади. Инжилнинг 3-боб, 16-оятида: «Қачон хомилали булсанг, болани оғриқ ва қийинчилик билан туғасан  ва хужайинингнинг хохишига кура яшайсан», – дейилган. Исломда эса хомила ва қийинчиликлари шараф бўлиб, сабр қилганга жуда катта мукофот ва савоб ваъда қилинган.