Otalik belgilanganligi haqidagi ma’lumotnomani olish

Bu quyidagi tartibda amalga oshiriladi:

1. Arizachi Davlat xizmatlariga kelib yoki YaIDXP orqali so‘rovnoma to‘ldirib va to‘lov amalaga oshirgandan so‘ng, so‘rovnoma FHDYo organiga yuboriladi.

2. FHDYo organi so‘rovnomani qonun hujjatlari talablariga muvofiqligini o‘rganadi so‘ng guvohnomani rasmiylashtiradi hamda tegishli DXMga yoki YaIDXP orqali yuboriladi.

Xizmatni ko‘rsatuvchi tashkilot:

O‘zbekiston Respublikasi Adliya vazirligi huzuridagi Davlat xizmatlari agentligi.

Xizmatdan foydalanish uchun kerak bo‘ladigan xizmatlar:

pasport yoki shaxsini tasdiqlovchi boshqa hujjat nusxasi;

ariza beruvchi ishonchnoma asosida harakat qilayotganda — ishonchnoma nusxasi.

Xizmatni ko‘rsatish muddati: 3 ish kunida.

Xizmat narxi: Bazaviy hisoblash miqdorining 4,5% (Davlat xizmatlari markazlariga murojaat qilinganda bazaviy hisoblash miqdorining 5% undiriladi).

Ushbu xizmatning huquqiy asosi O‘zbekiston Respublikasi Vazirlar Mahkamasining 2019 yil 15 fevraldagi “Fuqarolik holati dalolatnomalarini yozish va notarial organlar sohasida hamda rasmiy hujjatlarga apostil qo‘yish bo‘yicha davlat xizmatlari ko‘rsatishning ma’muriy reglamentlarini tasdiqlash to‘g‘risida”gi 134-son qarori hisoblanadi.

Mazkur xizmatdan Yagona interaktiv davlat xizmatlari portalining quyidagi veb sayti: https://my.gov.uz/uz/service/304 orqali foydalanishingiz mumkin.