Bazaviy hisoblash miqdori oshganda hamda amal qilish muddati tugashi munosabati bilan bojxona to’lovlari to’lanishini ta’minlovchi hujjatni yangilash

Bu quyidagi tartibda amalga oshiriladi:

Litsenziat bojxona ombori, erkin ombor va boj olinmaydigan savdo do’koni bo’yicha taqdim etilgan bojxona to’lovlari to’lanishini ta’minlovchi hujjatning amal qilish muddati tugashidan bir oy oldin yoki bazaviy hisoblash miqdori oshgan taqdirda, ushbu miqdor oshgan kundan e’tiboran bir oy muddatda bojxona to’lovlari to’lanishini ta’minlovchi hujjat kiritilgan so’rovnomani to’ldirish orqali bojxona to’lovlari to’lanishini ta’minlash summasiga tegishli tuzatishlar kiritish bo’yicha murojaat qiladi. Litsenziyalovchi organ bojxona to’lovlari to’lanishini ta’minlovchi hujjatni yangilaydi yoki tegishli asoslarni keltirgan holda uni qabul qilishni rad etadi.

Xizmatni amalga oshiruvchi tashkilot:

O’zbekiston Respublikasi Davlat bojxona qo’mitasi

Xizmatdan foydalanuvchilar: yuridik shaxslar.

Xizmatni ko’rsatish uchun kerak bo’ladigan hujjatlar:

Bojxona kodeksining 339-moddasiga muvofiq.

Xizmatni ko’rsatish muddati: 10 kun mobaynida.

Xizmat narxi: bepul

Ushbu xizmatning huquqiy asosi O’zbekiston Respublikasi Vazirlar Mahkamasining 2020 yil 9 apreldagi “Bojxona ombori, erkin ombor va boj olinmaydigan savdo do’koni faoliyatini litsenziyalash yuzasidan davlat xizmatlarini ko’rsatishning ma’muriy reglamentlarini tasdiqlash to’g’risida”gi 210-son qarori hisoblanadi.

Mazkur xizmatdan Yagona interaktiv davlat xizmatlari portalining quyidagi veb sayti: https://my.gov.uz/uz/service/327 orqali foydalanishingiz mumkin.