Янги тадбиркорлик субъектини давлат рўйхатидан ўтказиш

Бу қуйидаги тартибда амалга оширилади:

1. Аризачи Давлат хизматларига келиб ёки ЯИДХП орқали сўровнома тўлдириб ва бож суммаси тўлангандан сўнг ариза юборилади.

2. Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими сўровномани ва унга бириктириллган иловаларнинг қонун ҳужжатлари талабларига мувофиқлигини текширади, тадбиркорлик субъектини ноёб идентификаторини беради сўнг маълумотларни Тадбиркорлик субъектлари ягона давлат рэстрига киритади ва тегишли ДХМга ёки ЯИДХП орқали юборилади.

Хизматни кўрсатиш учун керак бўладиган ҳужжатлар:

давлат тилидаги таъсис ҳужжатлари;

топшириш далолатномаси — қўшиб юборилганда;

тақсимлаш баланси — бўлишда ва ажратиб чиқаришда.

Хизматни кўрсатиш муддати:

T/r

Тадбиркорлик фаолияти шаклларининг номи

Давлат рўйхатидан ўтказишнинг белгиланган муддатлари

I.Тадбиркорлик субъектларини давлат рўйхатидан ўтказиш

1.

Якка тартибдаги тадбиркор, шу жумладан деҳқон хўжалиги, оилавий тадбиркорлик ва ҳунармандчилик фаолияти субъектлари реал вақт режимида, лекин 30 минутдан ошмаган вақтда

2.

Тадбиркорлик фаолиятининг бошқа шакллари реал вақт режимида, лекин 30 минутдан ошмаган вақтда

II. Тадбиркорлик субъектларини давлат рўйхатидан қайта ўтказиш

3.

Деҳқон хўжалиги, оилавий тадбиркорлик ва ҳунармандчилик фаолияти субъектлари бошлиғи ўзгарганда реал вақт режимида, лекин 30 минутдан ошмаган вақтда

4.

Таъсис ҳужжатларига устав фонди миқдорининг оширилиши, улушнинг (ҳиссанинг) бошқа шахсга ўтиши билан боғлиқ бўлган ўзгартириш ва қўшимчалар киритилганда 16 иш соатидан ошмаган вақтда

5.

Рўйхатдан ўтказиш маълумотларига (таъсис ҳужжатларига) киритилаётган бошқа ўзгартиришлар ва (ёки) қўшимчалар киритилганда реал вақт режимида, лекин 30 минутдан ошмаган вақтда

Ушбу хизматнинг ҳуқуқий асоси Ўзбекистон Республикаси Вазирлар Маҳкамасининг 2017 йил 9 февралдаги “Ўзбекистон Республикаси Президентининг «Тадбиркорлик субъектларини давлат рўйхатидан ўтказиш ва ҳисобга қўйиш тизимини такомиллаштириш тўғрисида» 2016 йил 28 октабрдаги ПҚ-2646-сон қарорини амалга ошириш чора-тадбирлари тўғрисида”ги 66-сон қарори ҳисобланади.

Мазкур хизматдан Ягона интерактив давлат хизматлари порталининг қуйидаги веб сайти: https://my.gov.uz/uz/service/57 орқали фойдаланишингиз мумкин.