Совуқ сувни ҳисобга олиш ускунасини (ҳисоблагичини) ечиш ва ўрнатишга ариза юбориш

Бу қуйидаги тартибда амалга оширилади:
1. Талабгор ичимлик сувини ҳисобга олиш ускунасини (ҳисоблагични) ечиш ва ўрнатиш учун ДХМга ўзи келиб мурожаат қилиши ёки ЯИДХПда рўйхатдан ўтиши керак.
2. Сув таъминоти корхонаси 5 иш кун мобайнида талабгор билан келишилган вақтда, унинг иштирокида тегишли далолатнома тузган ҳолда ҳисобга олиш ускунасини ечиб олиши ва\ёки ўрнатиб бериши ва тамғалаши керак. Ҳамда далолатноманинг бир нусхасини талабгорда қолдириши керак.
3. Сув таъминоти корхонаси 1 иш кун мобайнида хизмат кўрсатиш якунланганлиги ҳақида хабардор қилиш учун ҳисобга олиш ускунаси ечилганлиги ва\ёки ўрнатилганлиги ҳақидаги далолатномани ДХМга юбориши керак.
Ушбу хизматнинг ҳуқуқий асоси Ўзбекистон Республикаси Вазирлар Маҳкамасининг 2019 йил 20 августдаги “Юридик ва жисмоний шахсларнинг электр энергияси, табиий газ, ичимлик ва иссиқ сувни ҳисобга олиш ускуналарини (ҳисоблагичларни) ечиш, қиёслашдан ўтказиш ва ўрнатиш бўйича давлат хизматлари кўрсатишнинг маъмурий регламентларини тасдиқлаш тўғрисида”ги 698-сон қарори қарори ҳисобланади.
Хизмат нархи: бепул.
Мазкур хизматдан Ягона интерактив давлат хизматлари порталининг қуйидаги веб сайти: https://my.gov.uz/uz/service/224 орқали фойдаланишингиз мумкин.