Штрихли кодларнинг оригинал-макетини тайёрлаш учун ариза юбориш

Бу қуйидаги тартибда амалга оширилади:

1. Ариза берувчи хизматдан фойдаланиш учун ДХМга ўзи келиб мурожаат қилади ёки ЯИДХПда рўйхатдан ўтади.

2. Ариза берувчи анкета тўлдиради ва ҳужжатни илова қилади.

3. ДХМ ёки ЯИДХП аризани ҳужжатлар билан “Ўзстандарт” агентлигига юборади.

4. Тўлов амалга оширилгандан сўнг бир иш кунида “Ўзстандарт” агентлиги ариза берувчини ДХМга (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) ЯИДХП орқали штрих-коднинг оригинал макети тақдим этади.

Хизматни амалга оширувчи ташкилот:

Ўзбекистон стандартлаштириш, метрология ва сертификатлаштириш (“Ўзстандарт”) агентлиги

Хизматдан фойдаланувчилар:

Тадбиркорлик фаолияти субъектлари – Ўзбекистон Республикаси ҳудудида белгиланган тартибда рўйхатдан ўтказилган ва ишлаб чиқариш, савдо фаолиятини амалга оширувчи ёхуд хизматлар кўрсатувчи юридик, шунингдек, жисмоний шахслар – якка тартибдаги тадбиркорлар.

Хизматни кўрсатиш учун керак бўладиган ҳужжатлар:

Анкетани тўлдириш.

Хизматни кўрсатиш муддати:

1 иш куни мобайнида.

Хизмат нархи:

Хизматдан фойдаланиш бепул.

Штрихли кодларнинг асл макетларини ишлаб чиқиш учун “Ўзстандарт” агентлигига шартнома асосида тўловни амалга ошириш зарур.

Ушбу хизматнинг ҳуқуқий асоси Ўзбекистон Республикаси Вазирлар Маҳкамасининг 1999 йил 21 сентабрдаги “Ўзбекистон Республикасида ишлаб чиқариладиган товарларга штрихли кодлашни жорий этиш тўғрисида”ги 438-сон қарори ҳисобланади.

Мазкур хизматдан Ягона интерактив давлат хизматлари порталининг қуйидаги веб сайти: https://my.gov.uz/uz/service/260 орқали фойдаланишингиз мумкин.